FAQ

Apeqqutigineqakkajuttut

TUNNIUSSINEQ
Apeqqut:
Sumut tunniussisarpisi?
Akissut:
Kalaallit Nunaanni inoqarfinnut tamanut tunniussisarpugut.

Apeqqut:
Tunniussineq qanoq pisarpa?
Akissut:
Tusass nassiussanik suliaqartuullunilu tunniussissaaq. Poortugaatit tamatigut Track & Tracekkut malinnaavigisinnaavat nassiunnerata normua Tusassimi allallugu uani.

Apeqqut:
Poortugarsiassara nassiunneqarsimavoq apuunnanili?
Akissut:
Poortugaq Tusassimi Track & Tracekkut malinnaavigisinnaavat. Allatsitat naniuk uani.
Ulloq unnuarlu ingerlasinnaapput poortugaativit Tusassip nittartagaani saqqummernissaanut. Poortugaq piffissami ilimagisami tikissimanngippat Tusass attavigissavat uani.

UTERTITSINEQ PEQQISSIMISINNAANERLU

Apeqqut:
Pisiara utertinniarpara, qanoq iliussaanga?
Akissut:
Pisiaq angissutsimigut, ilutsimigut qalipaammigulluunniit eqquutinngippat utertissinnaavat aningaasallu tigoqqillugit.
Uani takuuk KNI Designimit pisiat qanoq utertissanerlugu.

Apeqqut:
Pisinera peqqissimissutigisinnaavaraa?
Akissiut:
Pisisartut isumaqatigiissutaannut inatsit malillugu nioqqutip tiguneraniit ullut 14-it ingerlanerini peqqissimisinnaatitaavutit. Peqqissimisinnaanermut piffissaq qaangiutissaaq poortukkap tiguneraniit imaluunniit tunniussivissamut apuunneraniit ullut 14-it qaangiuppata.

Apeqqut:
Pisinera peqqissimissutigigukku nassiunnera nammineq akilissavaraa?
Akissut:
Aap, pisiaq utertinneqassappat nammineq aningaasartuutigissavat.

Apeqqut:
Pisiara Sisimiuni Meqqusaalik flagship storemut utertissinnaavaraa?
Akissut:
Qaqugukkulluunniit Sisimiuni Meqqusaalik flagship storemut pisiat utertikkusutat pillugu saaffiginnissinnaavutit. Inniminniininnut allagartaq imaluunniit pisininnut allagartaq nassaannassavat.

Apeqqut:
Qaqugu qanorlu aningaasaatikka tigussavakka?
Akissut:
Akiliutitit kingusinnerpaamik ullut 30-t pisininnik peqqissimillutit nalunaarutivit pisiavillu utertinneraniit qaangiunneranni ilinnut utertissavagut. Utertitsinerput akiliigavit aqqutigisat atorlugu ingerlanneqassaaq, allamik ersarissumik piumasaqarsimanngikkuit. Pisiaq innarlerluni akikillisimappat tamanna ilanngaatigineqassaaq.

INNIMINNIINERIT

Apeqqut:
Inniminniissutima apuussimanera qanoq ilillunga paasisinnaavara?
Akissut:
KniDesign.gl-imi pisiniaruit pisiassat uninngasuutit marloriarlugit naleqqussarneqartarput: Pisiassaq koorimut ikineqarnerani aammalu inniminniineq uppernarsarneqaraangat. Uninngasuutitta amerlassusaat tamatigut eqqoqqisaartinniartarpagut, ataasiakkaatigulli uninngasuutit amerlassusii kisitsisillu takutitat assigiinngissinnaasarput. Tamanna peqquteqarpoq quppernerit tamarmik akuttoqatigiissumik nutarsarneqarneq ajornerannik, taamaalilluni pisiniarnerigaluit iluatsinngitsoorsinnaalluni.

NAAMMAGITTAALLIORNEQ

Apeqqut:
Qanoq ilillunga naammagittaalliorsinnaavunga?
Akissut:
Pisiat naammagittaalliutigisinnaavat Meqqusaalik flagship storemut saafiginnillutit imaluunniit pisisartunik sullissivimmut mailerlutit knidesign@kni.gl. atorlugu. Naammagittaalliutit ajorisatillu allaaserikkit ajornanngippat assiliartalerlugit. Taava naammagittaalliutit misissussavarput piaarnerpaamillu akiniarsaralutit.

KODE AKIKILLILIISSUT PISISSUTISSARLUUNNIIT

Apeqqut:
Qanoq ilillunga akikilliliissut pisissutissarluunniit atussavakka?
Akissut:
Akikilliissutip pisissutissalluunniit ilisarnaataa quppernermi qullerpaanngorlugu allassavat, tassani attaveqarnermut akiliinermullu paasissutissat nalunaassagakkit. Taamaalippat akikilliissut isummaminik peerneqassaaq.