Assassorneq qangaaniilli ileqqoraarput ilusilersueriaatsitsinnilu isumassarsiorfittut atugarikkajuttarlutigit pinngortitaq, uumasut, anersaat silarsuaat ulluinnagullu. Taamatuttaaq allat kulturianniit tigulaariffeqarsinnaalluta pigiliussassatsinnik ammaffeqartarsimagatta. Nunamut maanga peqqaarnitsinniilli taamaattuarsimavugut. Ullumikkut nammineq suulluunniit pilersittariaqanngilagut. Ulluinnarnili pigisagut atussallutigit nuannarilluinnarpagut, kinaassutsitsinnummi suminngaanneersuunitsinnilu takutitsisuummata. Taama ippoq aamma KNI Design, atortussammi kusanartuliat kulturitsinniit tulluusimaarutigilluakkatsinniit ilusilersuisaratta. Juumuunngorniarlutik ilinniarrtut Emilie Simonsen aamma Olivia Eliassen, Upernavik 1936. Assiliisoq: Jette Bang Ulluinnaat isumassarsiorfigisarpagut, kingumut oqaluttuarisaanitsinnut qiviarluta eqqumiitsulianiit pinngortitamut. Nunarsuarput qanoq ingerlariuseqarnersoq aamma alapernaaffigisarparput – nammineq nunarput, aamma nunarsuarmioqataasutut. Nunaqqatigut nunarsuarmioqatigullu naapinnerisigut soqutiginartut takkuttarput. Tassani kalaallit periusiannik nutaanik ilusilersuisarpugut nutaanillu isumassarsiortarluta, taamaasilluta kulturikkut kingornussagut nersorniarlutigit. Atortussat kusanartuliat, tarrarsorfigisinnaasagut, nammineq angerlarsimaffitsinni atorsinnaasagut imaluunniit nuannarilluinnakkatsinnut tuniussinnaasagut. KNI Design aaliangersimasunuinnaanngilaq. Tamanummi atavugut, ilusilersukkat kusanartut atorluarsinnaasullu nuannarilluinnakkagut, isumassarsiorfigaagummi ataatsimuulersilluta kinaassusilersillutalu.